என்பது சித்தர்கள் இயல்புபற்றித் 'திருமூலர்' செப்பிடும் சீரிய கருத்தாகும். சித்தர்கள் சிவயோக நெறியில் நின்று சித்தி பெற்று செயற்கரியனவற்றைச் செய்திடும் ஆற்றல் சான்றவர்கள்.

ஆங்காரம் உள்ளடக்கி ஐம்புலனைச் சுட்டறுத்துத் தூங்காமல் தூங்கும் சுகம் பெற்ற செம்மல்கள். இப்பெரியார்கள் 'விண்ணிறைந்து மண்ணிறைந்து எஞ்ஞான்றும் எங்கும் ஒழிவர நிறைந்து, சோதியாய் நின்று ஒளிர்ந்து, யான் பெற்ற இன்பம் பெறுக இவ்வையகம்" எனும் திருமூலர் வாக்கின்படி.

​

ஆன்மிக அமிழ்தினைத்தேடி அலையும் நன்மக்களுக்கு 'உன் மயிர்க்கால் தோரும் அமுது ஊர நீ கண்டு கொள்' என மெய்ப்பொருளை இன்றும் உணர்த்தி வருகின்றனர். இவ்வழியில் நம்மை வழிநடத்திக் கொண்டிருக்கிறவர் 'மகா சித்த புருஷர்' ஸ்ரீ கருவூரார் ஆவார்.

​

கருவூரார் எனும் சொல் பதம்பிரிக்கப்படின் கரு+ஊரார் என அமையும். அதாவது இனி இவர் கருவில் ஊரமாட்டார், பிறப்பில்லை என்பதாகும் பிரம்மத்தை உணர்ந்தவர்களே மற்றவர்களுக்கு பிரம்மத்தை உணர்த்தமுடியும், பிறப்பறுத்தவர்களே மற்றவர்களின் பிறப்பறுக்க முடியும்.​

​

பதினெண்சித்தர்களில் ஒருவரான 'ஸ்ரீ கருவூரார்' நமக்கு குருவாய் வாய்த்தது நாம் செய்த சிவபுண்ணியமாகும். குருநாதரின் திருவடி பணித்து, அவர் தம்மை வெளிப்படுத்திய காலத்தில், நடந்த நிகழ்வுகளை, தொகுத்து வழங்குகிறோம்.